http://www.thinaboomi.com/octo24/23raj4.htm

தமிழக முதல்வர் ஜெயலலிதா சென்னை கோட்டையில் கலைமாமணி பிலிம் நியூஸ் ஆனந்தன் எழுதியுள்ள `சாதனைகள் படைத்த தமிழ்த் திரைப்பட வரலாறு' என்னும் நூலை வெளியிட்ட
போது எடுத்த படம். அருகில் அமைச்சர் அன்பழகன், ஏவி.எம்.சரவணன் மற்றும் பலர் உள்ளனர்.

பிலிம்நியூஸ் ஆனந்தன் எழுதிய `சாதனை படைத்த தமிழ் திரைப்பட வரலாறு': முதல்வர் ஜெயலலிதா வெளியிட்டார்.

சென்னை, அக்.24_

தமிழக முதலமைச்சர் ஜெயலலிதா நேற்று தலைமைச் செயலகத்தில், தமிழ்நாடு அரசின் நிதி உதவியுடன் கலைமாமணி பிலிம் நியூஸ் ஆனந்தன் எழுதியுள்ள `சாதனைகள் படைத்த தமிழ்த் திரைப்பட வரலாறு' என்னும் நூலை வெளியிட்டார். முதலமைச்சரிடமிருந்து இந்த நூலின் முதல் பிரதியை பிரபல திரைப்படத் தயாரிப்பாளர் ஏவி.எம்.சரவணன் பெற்றுக் கொண்டார்.

சென்னையைச் சேர்ந்த பிலிம் நியூஸ் ஆனந்தன் தமிழ்த் திரைப்படத் துறையில் கடந்த 50 ஆண்டுகளுக்கு மேலாக மக்கள் தொடர்புத் துறையிலும், கலைத்துறையைச் சேர்ந்த பல்வேறு பணிகளிலும் தன்னை ஈடுபடுத்திக் கொண்டு அரும்பணியாற்றி வருபவர் ஆவார். இவ்வகையில் 1931_ம் ஆண்டு முதலான தமிழ்த் திரைப்படங்கள் குறித்த புகைப்படங்கள், தமிழ்த் திரையுலகக் கலைஞர்கள் பற்றிய புத்தகங்கள், திரைப்படமான நாவல்கள், நாடகங்கள், தமிழ்த் திரைப்படங்கள் குறித்த பல்வேறு புத்தகங்கள், கலையுலகைச் சார்ந்த பல்வேறு சேகரிப்புகள், தமிழ்த் திரைப்படங்கள் குறித்த கிடைத்தற்கரிய விவரங்கள் ஆகியவற்றை சேகரித்து வைத்துள்ளதாகவும் இவையனைத்தும் எதிர்கால சந்ததியினருக்கு பயன்படும் வகையில் தமிழக அரசு பெற்றுக் கொண்டு ஒரு தொகையை தனக்கு உதவியாக வழங்க வேண்டும் என்றும் தமிழக முதலமைச்சர் ஜெயலலிதாவிடம் அவர் கோரியிருந்தார்.

மேலும் இந்த தகவல்கள் அனைவருக்கும் பயன்படும் வகையில் `சாதனைகள் படைத்த தமிழ்த் திரைப்பட வரலாறு' என்னும் நூலை எழுதியுள்ளதாகவும், அதனை வெளியிட நிதியுதவி வழங்க வேண்டும் என்றும் தமிழக முதலமைச்சரிடம் கோரிக்கை விடுத்திருந்தார்.

பிலிம் நியூஸ் ஆனந்தனின் இந்த கோரிக்கைகளை கனிவுடன் பரிசீலித்த முதலமைச்சர் ஜெயலலிதா, ஆனந்தன் சேகரித்து வைத்துள்ள அரிய தகவல்கள் மற்றும் அவர் எழுதியுள்ள நூலின் சிறப்பு ஆகியவற்றை கருத்தில் கொண்டு நூலை அச்சிட்டு வெளியிட 5.5 லட்சம் ரூபாயும், அவரது சேவைக்காக 10 லட்சம் ரூபாயும், ஆக மொத்தம் 15.5 லட்சம் ரூபாயை தமிழ்நாடு அரசின் சார்பில் வழங்கினார்.

நூல் வெளியிட தமிழக முதலமைச்சர் வழங்கிய நிதி உதவியின் மூலம் பிலிம் நியூஸ் ஆனந்தன் `சாதனைகள் படைத்த தமிழ்த் திரைப்பட வரலாறு' என்னும் பெயரில் தமிழ்த் திரைப்பட உலகைப் பற்றிய விவரங்கள் அடங்கிய தகவல் களஞ்சியமாக நூலை உருவாக்கியுள்ளார்.

இந்த சிறப்புமிகு நூலை தமிழக முதலைச்சர் நேற்று தலைமைச் செயலகத்தில் வெளியிட்டார். இந்த நூலின் முதல் பிரதியை திரைப்படத் தயாரிப்பாளர் ஏவி.எம்.சரவணன் பெற்றுக் கொண்டார்.

தமிழக முதலைச்சர், ஏவி.எம்.சரவணனிடத்தில் `இந்த நூல் பிலிம் நியூஸ் ஆனந்தனின் நீண்டநாள் கனவு. அந்த கனவு இன்று நனவாகி நூல் வடிவம் பெற்று வெளியாகியுள்ளது. அதன் முதற் பிரதியை உங்களிடம் நான் வழங்குகின்றேன்' என்று தெரிவித்தார். அப்போது ஏவி.எம்.சரவணன், தமக்கு இந்த வாய்ப்பை வழங்கியமைக்காக முதலமைச்சருக்கு நன்றி தெரிவித்துக் கொண்டார்.

முதல்வர் ஜெயலலிதா, பிலிம் நியூஸ் ஆனந்தன் மற்றும் அவரது குடும்பத்தினர் அனைவருக்கும் தமது வாழ்த்துக்களைத் தெரிவித்துக் கொண்டார்.

பிராமண எதிர்ப்பை பற்றிய ஒரு நூல் விமர்சனம்

31வது சென்னை புத்தகக் கண்காட்சி 2008 யில் நான் வாங்கிய புத்தகங்கள்

1. அசரீரி - சுப்பிரமனிய சந்திரன் - சாரதா பதிப்பகம்
2. வந்தார்கள் வென்றார்கள் - மதன் - கிழக்கு Audio Book.
3. நான் வித்யா - 'லீவ் ஸ்மைலிங்' வித்யா - கிழக்கு பதிப்பகம்
4. யூதர்கள் - முகில் - கிழக்கு பதிப்பகம்
5. திப்பு ச்ல்தான் -மருதன் - Prodigy
6. ஔரங்கசீப் - முகில் - Prodigy
7. பவுத்த மதம் - மருதன் - Prodigy
8. அக்பர் - முகில் - Prodigy
9. கம்யூனிசம் - இரா.ஜவாஹர் - நக்கீரன் பதிப்பகம்
10. சடங்குகளின் கதை ( இந்து மதம் எங்கே போகிறது ?- பாகம் 2) - அக்னிஹோத்ரம் ராமானிஜ தாத்தாச்சாரியர் - நக்கீரன் பதிப்பகம்
11. True Story of Jesus
12. இயேசு மறிந்தது எங்கே ? - ஜே.டி. ஷம்ஸ்
13. நாத்திகன் நான் ஏன் ? - Bhakath Singh - வ.உ.சி புத்தக நிலையம்

இரண்டாம் உலகப் போர்

இரண்டாம் உலகப் போர் – சுப்பிரமனியன் சந்திரன்
- விலை. 150. சாந்தி பதிப்பகம்

போலந்து தாக்குதல் தொடங்கி அணுகுண்டு தாக்குதல் நடந்து முடியும் வரை எல்லா தாக்குதலில் விபரங்களையும் சேகரித்து நூலாக கொடுத்துள்ளார் நூலின் ஆசிரியர். ஒவ்வொரு தாக்குதலிலும் என்ன ஆயுதங்கள் பயன் படுத்தப் பட்டன, எத்தனை பேர் இறந்தார்கள், என்ன திட்டங்கள் போடப் பட்டன போன்ற பல விபரங்கள் இதில் உள்ளன. சென்னை புத்தகக் கண்காட்சி 2007 சாந்தி பதிப்பகத்தில் வாங்கிய நூல், சமிபத்தில் தான் எனக்கு படிக்க நேரம் கிடைத்தது. ஆறு வருடங்களாக நடந்த இந்த யுத்தத்தை நிச்சயமாக ஒரு மாதத்திலோ அல்லது இரண்டு மாதத்திலோ எழுதி இருக்க முடியாது. பல செய்தித்தாள்கங்கள், இணைய தளங்கள் போரட்டி செய்தியை மிகவும் சிரம பட்டு சேகரித்திருப்பார். அதை எல்லாம் சேகரித்து ஒரு நூலாய் கொடுப்பது மிக பெரிய விஷயம்.

இந்த நூலில் சோவியத் படை தன்னை நெருங்கி வருவதை உணர்ந்த ஹிட்லர், தன் படைகளை சோவியத் வரும் வழியையில் அதிக பாதுகாப்பையும், பிரிட்டன் வரும் வழியில் குறைவான படைகளை வைந்திருந்தை கூறுகிறார். ஒரு வேளை.... பிரிட்டன் படை முதலில் ஜெர்மனியை அடைந்திருந்தால் ஹிட்லர் சரணடைந்திருப்பாரோ என்னவோ...? ஹிட்லர் கொல்ல அவர்கள் தளபதிகள் செய்யும் முயற்சிகள், ஜப்பான் தளபதிகள் பிடிவாதமாக போரை தொடர்வது, மேகமுட்டம் காரணமாக ஹிட்லர் பிரிட்டனை தாக்குவதை தள்ளி போட்டது போன்ற இரண்டாம் உலகப் போரி மிக முக்கிய திருப்புனைகளை கூறுகிறார்.


இரண்டாம் உலகப்போரை பற்றி தெரிந்துக் கொள்ள விரும்புவர்களுக்கு இந்த நூல் பயனுள்ளதாக இருக்கும்.

அசரீரி

சுப்பிரமனியன் சந்திரன்
விலை. 75. சாந்தி பதிப்பகம்

'அசரீரி' பெயரை கேட்டதும் எதோ ஆன்மீக நூலோ என்று எடுத்து பார்த்தேன். நூலில் உள்ள 24 அத்தியாயங்களும் முழுக்க வரலாற்று சிறுகதைகள். வரலாற்றில் நடந்த மிக முக்கிய நிகழ்வுகளை சிறு கதைகள் வடிவில் கொடுத்திருக்கிறார் நூலின் ஆசிரியர். பொழுது போக்குகாக சிறுகதை படிப்பவர்கள் மட்டுமில்லாமல் சரித்திர விரும்பியர்கள் இந்த சிறுகதையை படித்தால் பல தகவல்கள் கிடைக்கும்.

இந்த நூலில் ஹிட்லர் பற்றிய மூன்று சிறுகதைகளும், அணுகுண்டு தாக்குதல் பற்றிய சிறுகதையும் குறிப்பிட்டு சொல்ல வேண்டும். ஜப்பான் மீது அணுகுண்டு வீசும் டிப்பெட்ஸ் எப்படி உணர்ந்தார் என்று 'கலான்' சிறுகதையில் சொல்லியிருக்கிறார். இன்று, பல அமெரிக்காவின் பொருளாதர வளர்ச்சியை பற்றி வாய்யை பிளப்பவர்கள் இரண்டாம் உலகப் போர் முன்பு பல அமெரிக்கர்கள் வேளையில்லாமல் திண்டாடியதை இன்னொரு சிறுகதையில் சொல்லியிருக்கிறார்.

சிறுகதையில் கற்பனை கலந்து சொல்பவர்கள் மத்தியில் சரித்திரத்தை சிறுகதையை மாற்றி அமைத்ததற்கு பாராடியாக வேண்டும்.

சடங்குகளின் கதை

( இந்து மதம் எங்கே போகிறது ? - பாகம் 2 )
- அக்னிஹோத்ரம் ராமானிஜ தாத்தாச்சாரியர் -
விலை.100. நக்கீரன் பதிப்பகம்

'அக்னிஹோத்ரம் ராமானிஜ தாத்தாச்சாரியர்' பெயரை கேட்டவுடன் எந்த பிரிவை சேர்ந்த மனிதர் என்று சொல்லி தெரிய வேண்டியதில்லை.'சடங்குகளின் கதை' என்றவுடன் சடங்குகள் பற்றிய மகத்துவத்தை சொல்ல போகிறார் என்று நீங்கள் எதிர்பார்த்தால்... நீங்கள் ஏமாற்றம் தான் அடைவீர்கள். இன்று பல சடங்குகள் அர்த்தம் புரியாமல் செய்கிறார்கள் என்று தாத்தாச்சாரியர் அவர்கள் நமக்கு விளக்குகிறார்.நூறு வயதை தாண்டியும் இவரின் எழுத்து இளமையாக தான் உள்ளது.

'விவாகம்' என்றால் திருமணம் என்று தானே இதுவரை நாம் எண்ணியிருந்தோம். ஆனால், 'விவாகம்' என்றால் பெண்ணை இழுத்துக் கொண்டு போவது என்று சொல்கிறார். இந்த வார்த்தைக்கு அர்த்தம் தெரிந்தால் இனிமேல் யாரும் திருமண அழைப்பிதழில் யாரும் 'விவாகம்' என்ற வார்த்தையே போடமாட்டார்கள்.

அருங்கதி எப்படிபட்ட கற்புகரசி என்று அவர் கூறும் கதை மிகவும் அருமை. மணபந்தலில் மாப்பிள்ளை அருமையான மனைவியை தனக்கு கொடுத்ததற்கு பஞ்ச பூதங்களுக்கு நன்றி சொல்வது போல் வாத்தியார் சொல்ல சொல்வார். அதுவும் பெண்ணை பெற்ற தந்தை முன்... இதை சொல்லும் போது நமக்கே சிரிப்பு வரும்.

மந்திரங்கள், ஸ்லோகங்கள் இப்போது வாத்தியார்களுக்கே அர்தம் தெரியாமல் சொல்கிறார்கள் என்று தாத்தாச்சாரியர் அவர்கள் சொல்கிறார் .

தாத்தாச்சாரியர் - வேதங்களை எல்லாம் கற்ற மனிதர். இவரை தவிர யாராலும் வேதங்களில் உள்ள தவறுகளை சுட்டி காட்ட முடியாது. பிரமணராக இருந்தாலும் அவர் எழுத்துக்கள் பகுத்தறிவு சிந்தனை கொண்டதாக உள்ளது.

இவர் இன்றும் nakheeran.com இணையத்தளத்தில் எழுதிக் கொண்டு இருக்கிறார்.

நான் வித்யா

'லிவிங் ஸ்மைல்' வித்யா
விலை.100. கிழக்கு பதிப்பகம்

எந்த எழுத்தாளருக்கும் கிடைக்காத பெருமை 'லிவிங் ஸ்மைல்' வித்யாவுக்கு உண்டு. தன் முதல் நூலிலையே மூன்று மொழியில் ( தமிழ், மலையாளம், ஆங்கிலம்) ஒரே சமயத்தில் வெளிவருவது என்பது எந்த எழுத்தாளருக்கும் கிடைக்காத பெருமை. தன் சொந்த வாழ்க்கையில் கிடைத்த அனுபவங்களை சொல்லிருக்கிறார் வித்யா.

அப்தூல் கலாம், பெரியார், பீடல், சே போன்றவர்களை பற்றி வாழ்க்கை அனுபவங்களை படித்தால் பல செய்திகள் கிடைக்கும். யார் இந்த 'லிவிங் ஸ்மைல்' வித்யா..? இவர் வாழ்க்கை பற்றி தெரிந்துக் கொண்டு நமக்கு என்ன பயன் என்று நினைக்கலாம்?

அதற்கு பதில்... இந்த நூலை எழுதிய 'லிவிங் ஸ்மைல்' வித்யா - ஒரு திருநங்கை. தான் ஆண்ணின் உடலில் இருந்து கொண்டு பெண்ணுக்கு உரிய உணர்வுகளை உணர்ந்ததை சொல்லியிருக்கிறார். இந்த புத்தகம் ஆரம்பம் முதல் முடிவு வரை ஒரு நண்பனின் டைரி படிப்பது போன்ற உணர்வு வரும். காரணம், புத்தகம் முடிக்கும் போது நாமும் 'லிவிங் ஸ்மைல்' வித்யா நண்பனாகி உதவ வேண்டும் என்று தோன்றும்.

எம்.ஏ பட்டம் பெற்று புனேவில் பிச்சை எடுத்து திரிந்த அனுபவத்தை நமக்கு படம் பிடித்து காட்டியுள்ளார். தன் பெயர் மாற்றத்திற்காக இரண்டு வருடங்காக போராடியவர் இவர் ஒருவராக தான் இருக்க வேண்டும். இவரைப்போல பல திருநங்கைகளுக்கு அரசாங்கத்தால் முகவரி இல்லாமல் தான் இருக்கிறார்கள். பால்மாற்று அருவை சிகிச்சை பற்றி குறிப்பிட்டு சொல்ல வேண்டும். அந்த அருவை சிகிச்சையில் உயிர் கூட போக வாய்ப்புள்ளது என்று தெரிந்துக் கொண்டு அந்த சிகிச்சை செய்து கொண்டார். தன் நண்பர்கள் பரும் அறிவுரை கூறினாலும் தன் மனசாட்சிப்படி நடந்து கொள்ள விரும்புவதால் அவர் பால்மாற்று அருவை சிகிச்சை செய்துள்ளார். "நான் தம்பியில்ல.... உங்க தங்கச்சி. இப்போதாவது என்ன பொண்ணா பாருங்க... என்ன உங்க பொண்ணா ஏத்துக்கோங்க அப்பா" என்று தன் உறவினர்களிடம் கூறும் போது...நம் கண்கள் கலங்குகின்றன...!

கை, கால், கண் இழந்தால் பரிதாபமாக பார்க்கும் உலகம் திருநங்கைகளை மட்டும் ஏன் தவறாக பார்க்கிறது என்று அவர் கேட்கும் கேள்வி நியாயம் தான்.

'நான் வித்யா' - ஒரு புத்தகமல்ல... உணர்வுகள். எந்த ஆயுதமுமில்லாமல் பலர் திருநங்கையர்களின் சமுகத்தை வாட்டும் குமுறல்கள். இரத்தம் சிந்தாத வலி... இப்படி பல வர்ண வார்த்தைகள் சொல்லலாம். ஆனால் வித்யாவின் அனுபவங்களுக்கு இந்த வார்த்தைகள் மிகவும் குறைவு தான்.

எத்தனையோ பேர் இரண்டில் ஒரு முடிவுக்கு வரமுடியாமல் இருந்திருக்கிறார்கள். இரண்டு பக்கம் ஆதரவு தர முடியாமல் நடு நிலையாக சில அரசியல் கட்சிகளும் இருக்கிறது. இரண்டு பெண்களை யாரை தேர்வு செய்து காதலிப்பது என்று குழப்பத்தில் சில இளைஞர்கள் இருகிறார்கள். இவர்கள் போல திருநங்கைகள் .... ஆண்,பெண் என்று இரண்டும் சேர்ந்து நடுநிலையில் தான் வாழ்கிறார்கள். ஆனால், சமுகமும், அரசாங்கமும் இவர்களை ஏற்க வேண்டும் என்று ஒரு மனிதனாக விரும்புகிறேன்.

இவர்களை 'அவன்','அவள்'
என்று அழைக்க முடியாதது தான் !
'அது' என்று அழைக்காமல்...
'அவர்கள்' என்று அழைப்போம் !!

இவரின் வரைத்தளம் : http://livingsmile.blogspot.com

அன்புள்ள அப்பாவுக்கு...

'சோலை' தமிழினியன்
விலை.30. சோலை பதிப்பகம்.

தி.மு.க கட்சி எழுத்தாளராக இருந்தாலும் 'அம்மா'வை பற்றி எழுதாமல் யாரும் இருக்கமாட்டார்கள். நம்மை இந்த உலகிற்கு அறிமுகம் செய்து வைத்த அன்னையை பற்றி ஒவ்வொரு எழுத்தாளரும் எழுதியிருக்கிறார்கள். ஆனால், பெரும்பாலும் தந்தைக்கு முக்கியதுவம் கொடுத்து எழுதுவதில்லை. 'அன்புள்ள அப்பாவுக்கு...' நூலில் 68 கவிஞர்கள் தங்கள் அப்பாவை பற்றி எழுதிய கவிதையை 'சோலை' தமிழினியன் தொகுத்துள்ளார். அது என்ன 68 கவிஞர்களின் கவிதை....? 'சோலை' தமிழினியனின் தந்தை 68 ஆவது வயதில் காசு நோயில் இறந்தார். தன் தந்தைக்கு இந்த 'அன்புள்ள அப்பாவுக்கு...' கவிதை தொகுப்பு நூலை காணிக்கையாக்கிருக்கிறார்.

'அன்புள்ள அப்பாவுக்கு...' நூலில் இடம் பெற்ற 68 கவிதைகளில் நான் எழுதிய கவிதையும் ஒன்று. இந்த நூலில் நான் எழுதிய கவிதை..

அதிகாரம் செய்வதில் ஹிட்லர்
அன்பு காட்டுவதில் புத்தர்
இரு கலவை செய்த உத்தமர்
என் அப்பா என்பவர் !

விரும்பும் பொருளை
வாங்கி தரும் நிதி அமைச்சர் !
வருடம் முழுக்க பாடம்
சொல்லிக் கொடுக்கும் கல்வி அமைச்சர் !
பள்ளியில் விட்டு
செல்வதில் போக்கு வரத்து அமைச்சர் !
வீட்டு நிர்வாகத்தை அம்மாவிடம் கொடுக்கும்
எங்கள் வீட்டு முதல் அமைச்சர்
என் அப்பா என்பவர் !

நடைபயில கை கொடுத்தவர்
நாகரிகமாக பேச கற்று தந்தவர்
நன்மைகள் செய்ய சொல்லி தந்தவர்
நல்லவன் என்ற பெயர் எடுத்த
என் அப்பா என்பவர் !

லட்ச கணக்கில் லஞ்சம் வாங்கும் இடத்தில்
லட்சியத்தை லஞ்சமாக கொண்டவர்
நேர்மையில்லாதவர் மத்தியில்
பிழைக்க தெரியாதவர் பெயரெடுத்த
அரசாங்க ஊழியர்
என் அப்பா என்பவர் !

தலைமுறை இடைவேளையில் நட்பாய் !
கட்டளையை மீறும் போது கண்டிப்பாய் !
அறிவுரை வழங்கும் போது அன்பாய் !
ஆண் உருவில் இருக்கும் தாயாய்
இருக்கும் என் அன்புள்ள அப்பாவுக்கு....

இந்த அவசர உலகத்தில்
வார்த்தைகளுக்கு இடம் குறைந்த போதிலும்
இடமாறாத அப்பா அன்பு
என்றும் இருக்கும்!!

கவிதைகளுக்கு லைப்ரரி ஆர்டர் கிடைக்காமல் இருக்கும் சமயத்தில் கவிதை நூலை வெளியீடுவதை ஒவ்வொரு பதிப்பகமும் தவிர்த்து வருகிறது. ஆனால், தமிழியன் துணிச்சலாக கவிதை நூலை வெளியீட்டுள்ளார். அதுமட்டுமில்லாமல் 'அன்புள்ள அப்பாவுக்கு...' இரண்டாம் பாகம் நூல் வெளியீட போவதாக 'சோலை' தமிழினியன் கூறியுள்ளார். அவர் முயற்சிகள் வெற்றி பெற வாழ்த்துக்கள்.

யூதர்கள்

முகில்.
விலை ரூ.100, கிழக்கு பதிப்பகம்.

5000 வருட வரலாற்றில் இரத்ததால் எழுதப்பட்ட சரித்திரம். உலகின் மிக பழைமையான மதம் தான் - யுதமதம். ஆனால் அவர்களுக்கு என்று இஸ்ரேல் நாடு உருவானது நவம்பர் 29,1947ல் தான். அதற்கு முன்பு வரை அவர்கள் நாடோடியாக தான் வாழ்ந்தார்கள். தனி நாடு கிடைத்த பின்பும் அவர்கள் பிரச்சனை ஓய்ந்த பாடுடில்லை. இன்றும் பாலஸ்தீனத்துடன் யுத்தம் நடத்திக் கொண்டு தான் இருக்கிறது.

இஸ்லாம் மதம் முன்பே யூதர்கள் தான் கடவுளுக்கு உருவம் இல்லை என்று வழிப்பட்டவர்கள். கிறித்துவ மதத்தினர் வணங்கும் இயேசு ஒரு யூதர். உலகில் எல்லா மூலை முடுக்குகளிலும் இஸ்லாம், கிறித்துவம் பறவிவிட்டது. ஆனால், யூதன் என்றால் கொலை செய்யப்பட வேண்டியவர்கள் என்று தான் சரித்திரம் காட்டியுள்ளது.

'யுதர்கள்' - இந்த நூல் நான்கு பாகங்களாக எழுதியுள்ளார் முகில் அவர்கள். யூதாஸ் இயேசுவை காட்டிக் கொடுத்த கதையில் இருந்து நூல் துவங்குகிறது. அந்த ஒருவன்(யூதாஸ்) காட்டிக் கொடுத்ததால் சரித்திரம் யூதர்கள் என்றால் காட்டிக் கொடுப்பவர்கள் என்று முத்திரை குத்தப்பட்டது. அதன்பின் பைபிள் காலத்தின் தேவ தூதரான மோசஸ், தாவீத், சாலமோன் ஆலயம் பற்றி மிக அழகாகவும் தெளிவாகவும் கூறியுள்ளார்.

நிகழ்காலத்தில் இஸ்ரேல் - பாலஸ்தீன் பிரச்சனை இருந்தாலும், வரலாற்று சுவடுகளில் நபி அவர்கள் " யூதர்களும் இஸ்லாமியர்களுக்கு இணையாக உரிமை படைத்தவர்களாகவே நடத்தப்படுவர். யூதர்களின் மதச் சுதந்திரத்துக்கு எந்த விதத்திலும் தடையில்லை. அவர்கள் தங்கள் எண்ணப்படி வழிபடலாம். இந்த தேசம் இஸ்லாமியர்கள் யூதர்களோடு கைகோர்த்து உருவாக்கும் தேசம்' என்று தான் கூறியுள்ளார்.

இந்த நூல் யூதர்கள் வரலாற்றூ கதையோடு நிர்க்கவில்லை. அவர்களின் மத நம்பிக்கை, பண்டிக்கைகள், சமூகம், சடங்குகள், இந்தியாவில் யூதர்கள் என்று நான்காவது பாகத்தில் கூறியுள்ளார்.

யூதர்கள் பற்றீய நூல் என்பதால் முழுக்க முழுக்க ஆசிரியர் முகில் அவர்கள் வக்காளத்து வாங்கவில்லை. ஏன் யூதர்களை எல்லா காலத்திலும் வெருக்கப்படுகிறார்கள் ? என்பதையும் இடை இடையே கூறியும் இருக்கிறார். உலகில் உள்ள எல்லா மதங்களை விட தங்கள் மதம் தான் சிறந்தது என்ற எண்ணம் யூதருக்கு உண்டு. உலகத்திற்கு 'வட்டி' என்பதை அறிமுகம் படுத்தியவர்கள் யூதர்கள். 'இருக்க இடம் படுக்க பாய் கேட்கும் குணம்' யூதர்களுக்கு உண்டு. அப்படி தான் ஒவ்வொரு நாட்டிலும் குடி புகுந்து அதன் பிறகு விரட்டப்பட்ட காரணமும் இது தான். 'ஹமாஸ்' தாக்குதலை மிகைப்படுத்தி அமெரிக்க ஆதரவு பெற்றுக் கொண்டு இருக்கிறார்கள். அவர்கள் கெட்ட குணங்கள் சொல்லும் முகில், நல்ல குணங்களையும் சொல்லியிருக்கிறார். ஒரு யூதனுக்கு வாய்ப்பு வந்தால் அதை சரியாக பயன்படுத்தி கொள்வார். தான் முன்னேறுவதோடு தன்னுடன் மற்ற யூதர்களை முன்னேற்றும் குணம் யூதர்களுக்கு உண்டு.

இத்தனை யூதர்கள் கொலை செய்ய வேண்டும் டார்கெட் வைத்துக் கொண்டு தான் இன்றும் ஹமாஸ் இயக்கத்தில் சேருகிறார்கள். அன்று முதல் இன்று வரை யாராவது ஒருவர் யூதர்களை அழிபதை லட்சியமாக கொண்டவர்கள் பிறந்து கொண்டுதான் இருக்கிறார்கள். இந்த நூல் யூதர்களுக்கு ஆதரவாகவுமில்லை, எதிராகவுமில்லை. அவர்களை நமக்கு புரிய வைத்திருக்கிறார்கள்.

முசோலினி

வெ.சாமிநாத சர்மா
விலை.60., ராமையயா பதிப்பகம்

இரண்டாம் உலகப்போரின் நாயகன் ஹிட்லரின் தோழனாக இருந்த முசோலினியின் வாழ்க்கை சரித்திரம். இந்த நூலை படித்து முடிக்கும் போது முசோலினி வாழ்க்கையை பற்றிய முதல் பாகமாக இருக்குமோ என்ற சந்தேகம் வருகிறது. காரணம், முசோலினி தன் சொந்த மருமகனை கொன்றது, இரண்டாம் உலகப்போரில் ஹிட்லருடன் கூட்டனி செர்ந்தது, ஹிட்லர் இராணுவத்தால் காப்பற்றப்பட்டு ஜெர்மனிக்கு கொண்டு செல்லுதல் போன்ற செய்திகள் எல்லாம் இந்த நூலில் இல்லை. இவ்வளவு ஏன் ? முசோலினி உடல் மக்கள் பார்வைக்கு தொங்கவிட்ட செய்தி கூட இல்லை. முசோலினி வாழ்க்கையில் நடந்த முக்கியமான நிகழ்வுகள் இல்லாமல் முசோலினி வாழ்க்கை சரித்திரம் உள்ளது.

இந்த நூல் முசோலினி ஆரம்ப வாழ்க்கையை மட்டுமே பிரதிபலிக்கிறது. முசோலினியின் படிப்பு, ஸுசர்லாந்தில் வாழ்க்கை, பத்திரிக்கை ஆசிரியர் பொருப்பு, இறுதியாக இத்தாலி சர்வாதிகாரத்தை அடைவது வரை முசோலினி பற்றிய குறிப்புகள் உள்ளன.

முசோலினி பற்றி முழுமையாக தெரிந்துக் கொள்ள நினைப்பவர்களுக்கு இந்த நூல் உதவதாது. ஒரு வேளை இந்த நூல் முதல் பாகம் என்றால் ஏற்றுக் கொள்ளலாம். இதில் முகம் சுழிக்க வைக்கும் விஷயம் என்னவென்றால் சர்வாதிகாரி முசோலினியை கதாநாயகம் அளவிற்கு அலங்கரித்து எழுதியது தான். முசோலினிக்காக வக்காலத்து வாங்குவது போல் தான் இந்த நூல் எழுதப்பட்டுள்ளது. இந்த நூலி சுவையானதை பற்றி சொல்ல வேண்டும் என்றால் முசோலினி வேளையில்லாமல் கஷ்டப்பட்டு திரிவதை அழகிய கதை படிப்பது போல் இருந்தது. மற்றப்படி பெரிதாக சொல்வதற்கு இந்த நூலில் எதுவுமில்லை.

6 (சிக்ஸ்) சிக்மா

விலை.70. சிபி கே. சாலமன்.
கிழக்கு பதிப்பகம்

இன்று வெற்றி பெற்ற பல நிறுவனங்களின் மந்திரச் சொல் - சிக்ஸ் சிக்மா. ‘பிரம்மாண்ட வெற்றியின் ஃபார்முலா சிக்ஸ் சிக்மா’ என்று முன் அட்டையிலும், ‘பாடப்புத்தகம் போல் பாட்டிக்காமல், ரசித்துப் படித்து பயன் படுத்திக் கொள்ளலாம்’ என்று பின் அட்டையிலும் உள்ளது.

முதல் முன்று, நான்கு அத்தியாயத்தில் பள்ளியில் படித்த Standard Deviation (SD), Mean, Mode பற்றி எல்லாம் விளக்குகிறார். அதன் பின் Operation Researchயில் படித்த Chi-Square பணியில் சில டெபில்களும்,Sampling போனறவற்றை குறிப்பிடும் போது ஆங்கிலத்தில் படித்தை தமிழில் படிக்கும் உணர்வு தான் ஏற்பட்டது. இந்த விஷயங்கள் தெரியாதவர்களுக்கு தெளிவாக சொல்லியிருக்கிறார். தெரிந்தவர்கள் படித்தால் தொய்வாக தான் இருக்கும்.

இந்த நூலில் செய்தி சொல்லும் அளவிற்கு கதைகளும் அதிகம். ஒவ்வொரு அத்தியாயத்தின் தொடக்கத்தில் சொல்லும் கதைகளும், செய்தி துணுக்குகளும் மிகவும் சுவாரஸ்யம். இவை எல்லாம் ரசிக்கக் கூடியதாக இருந்தாலும் புத்தகம் படித்து முடிக்கும் போது பாதி தான் படித்தது போன்ற உணர்வு. சிக்ஸ் சிக்மா பற்றி தெரிந்துக் கொள்வதற்காக வாங்கியதில் முழு திருப்தியில்லை.

'பெல்ட் பேர்வழிகள்' அத்தியாயத்தில் கிரீன் பெல்ட், பிளாக் பெல்ட், மாஸ்டர் பிளாக் பெல்ட், சாம்பியன்ஸ் பற்றி படம் போட்டு தெளிவாக விளக்கியிருக்கிறார். DMAIC அத்தியாயத்தில் ஒவ்வொரு பிரிவையும் உதாரணங்களோடு எல்லோரும் புரியும் வகையில் கூறியிருக்கிறார் சாலமன். Risk Plan பற்றி விளக்கும் போது சொல்லும் கதையும், துணுக்கும் மிக அருமை.

ஒரு சில தமிழ் திரைப்படங்கள் முதல் பாதி மெதுவாக நகர்த்திருந்தாலும், இரண்டாவது பாதியில் வேகமாக கதையை நகர்த்தி வெற்றி பெற்றுவிடும். அதே போல் இந்த நூலில் முதல் பாதியில் தெரிந்ததை படிக்கிறோம் என்ற உணர்வு வந்தாலும், இரண்டாவது பாதியில் சிக்ஸ் சிக்மா விஷயங்களை எளிய முறையில் விளக்கம் கொடுத்திருக்கிறார்.

சிக்ஸ் சிக்மா பற்றி எல்லா செய்திகளும் தர படவில்லை என்று இறுதி பகுதியில் ஆசிரியரே கூறுகிறார். மேலும் சிக்ஸ் சிக்மா பற்றி தெரிந்துக் கொள்ள சில இணையத்தளங்கள் விபரங்களையும் கொடுத்திருக்கிறார். சிக்ஸ் சிக்மா பற்றி அறிமுகமாக தான் இந்த நூல் இருக்கிறது. முழுமையான நூல் இல்லை. எனினும் சிக்ஸ் சிக்மா பற்றி பல ஆங்கில நூல்கள் வரும் வேளையில் தமிழ் வாசகர்களுக்காக இந்த நூலை எழுதியத்திற்கு சிபி கே. சாலமன் அவர்களை பாராட்ட வேண்டும்.

வரலாறு என்றால் என்ன ?

அ.கருணாந்தன்
விலை.5. பக்கங்கள்: 32
பாரதி புத்தகலாயம்


2007ல் புத்தக கண்காட்சியில் இந்த நூலை வாங்கினேன். சிறிய நூல் என்றாலும், ஒன்றரை வருடம் கலித்து தான் இந்த நூலை படிக்க இப்போது நேரம் கிடைத்தது. புத்தகத்தின் வாங்க 'வரலாறு' இந்ததால் இந்த நூலை வாங்க தூண்டியது. இதில் கூறும் விஷயங்களை படிக்கும் போது அதன் விலை மிகவும் குறைவு தான்.

வரலாறு புதினம் எழுதும் எழுத்தாளர்கள் இந்த நூலை படிக்கும் படித்தால் நிச்சயம் மன உறுத்தல் எற்படும். " நாம் வரலாற்றில் கதாநாயகர்களையும், கதாநாயகிகளையும் பிரமிக்க வைக்கும் அவர்களது சாகசங்களையும் தேடவில்லை. மாறாக உண்மையைத் தேடுகிறோம்" என்று ஒரு இடத்தில் கூறுகிறார். வரலாறு நூல் எழுதுபவர்கள் தங்கள் கதாநாயகர்களின் வெற்றியை மட்டும் குறிப்பிடுகிறார்கள், அவர்களின் தோல்வியை மறைக்கிறார்கள். இன்னொரு இடத்தில் "எந்த கல்வெட்டும் அதை வெளியிட்ட மன்னனின் தோல்விகளையும் தவறுகளையும் பட்டியலிடுவதில்லை" . கல்வெட்டில் கூட சில வரலாறு உண்மைகள் மறைக்க படுவதை துணிச்சலாக சொல்லியிருக்கிறார்.
இதை சொல்லும் எழுத்தாளரின் துணிச்சலை பாராட்டாமல் இருக்க முடியாது.

தற்பெருமை நேர்மையான வரலாறாவதில்லை என்பது உண்மை. அதை நூலின் ஆசிரியராக தெளிவாக கூறுகிறார்.

இந்த நூலின் குறை என்றால் சிறிய நூல் என்பது தான். மிக பெரிய விஷ்யத்தை நான்கு வரியில் சொல்ல முயற்சிக்கிறார். உதாரணத்திற்கு... ஜான்ஸி ராணி ஒய்வூதியத்திற்காக தான் ஆங்கிலேயரை எதிர்த்தார் என்று கூறுகிறார். அவரது வீரம் போற்றுதல் குரியது. ஆனால், அவரது தேசபக்தி, தேசீய நோக்கு கேள்வி கேள்விக்குரியது. சொல்ல வேண்டிய விஷயத்தை சுருக்கமாக சொல்லியிருக்கிறார். இன்னும் சில இடங்களில் ஆரிய்ச் அராஞ்களையும் எழுயுள்ளார். ஆனால், 300, 400 பக்கங்கள் சொல்ல வேண்டிய விஷ்யத்தை 32 பக்கங்கள் சொல்லியிருக்கிறார் என்பது தன் சிறு வருத்தம். இதே நூலை அதிக பக்கங்கள் கொண்டு இன்னும் விளக்கி சொல்ல வேண்டும் என்ற வேண்டுக்கோள்ளை ஆசிரியருக்கு விடுப்போம்.

லொள்ளு தர்பார்

முகில்,
விலை. 60. பக்கங்கள் : 158
கிழக்கு பதிப்பகம்

இரண்டாவது முறையாக முகில் எழுதிய நூல் இந்த வலைப்பூவில் இடம் பெறுகிறது ( முதல் நூல் 'யூதர்கள்' ). 'தினமணி கதிரில்' எழுதிய நகைச்சுவை கட்டுரைகளை தொகுத்து நூலாக வெளியிட்டுள்ளார். இந்த நூலில் தொடக்கம் முதல் இறுதி வரை முழுக்க முழுக்க லொள்ளு தான். இந்த நூலை சமர்ப்பணம் யாருக்கு என்று பார்த்தால் அந்த 'லோள்ளே வேணாம்' என்று லொள்ளு பண்ணுகிறார்.

லொள்ளுக்காக சினிமாவை எடுத்து அந்த கதையை கலாட்டா செய்யாமல் நம்மை சுற்றி நடக்கும் பல விஷயங்களை எடுத்து லொள்ளு மழை பொழிந்திருக்கிறார். முதல் அத்தியாயமே பத்திரிக்கையில் வரும் நூல் விமர்சனங்களை லொள்ளுக்கு எடுத்துக் கொண்டுள்ளார். சுவாமி சுனாமியானந்தா எழுதிய " மனம் is மனம்" என்ற நூலை லொள்ளு பண்ணும் போது 'விகடனில்' யாரோ மனதை பற்றிய சுவாமியை மனதில் வைத்துக் கொண்டு எழுதியது போல் உள்ளது. ( முகிலுக்கு அவர் மீது என்ன கோபமோ... :) )

பாட்டம் 9 மூவிஸ்யில் தயாரிப்பாளர் கொடுத்த பொட்டியை கை நீட்டி வாங்கி விட்டதால் பத்தாவது இடம் கொடுப்பது என்று சொல்வது படு சுப்பர். 'செல் பேசும் வார்த்தைகள் !" பலர் நிச்சயமாக forward mail ல் படித்திருப்பார்கள். மீண்டும் ஒரு முறை படித்தாலும் தவறில்லை. இதை படிக்கும் பிறகு நம் செல்போனை பார்க்கும் போதெல்லாம் நமக்கே சிரிப்பு வரும். அதே போல் 'மைக் ஸ்பீக்கிங்' அத்தியாயமும் அப்படி தான். மைக் முன் பேசும் போது நம்மால் சிரிப்பை அடக்க முடியாது.

'நடிகை ருசிஷாவுடன் ஒரு நாள்' ( வேறு தலைப்பை வைத்திருக்கலாம். தலைப்பை படித்தவுடன் மனதில் வேறு மாதிரியான சிந்தனை வருவதை கட்டுப்படுத்த முடியவில்லை). "இப்படிதான் இருக்க வேண்டும் எக்ஸாம்" சர்தார்ஜி எக்ஸாம் பேப்பரை நியாபகம் படுத்துகிறது.

லொள்ளு என்று சொல்லும் போது லொள்ளு பண்ணும் அரசியல்வாதிகள் இல்லாமலா ? " ஆட்சியை அமுக்குவது யார்" என்ற கட்டுரையில் 2006 நடந்த தேர்தலில் பங்கு பெற்ற முக்கியமான பிரமுகர்கள் பண்ணிய அலும்புகளை நகைச்சுவையாக சொல்லியிருக்கிறார். 'தும்பிகளோடு அலையும் துப்பட்டாக்காரி' வரும் எழுத்துபித்தன் பண்ணும் கலாட்டா 'சின்ன கலைவானர்' விவேக் அந்த கதாபாத்திரத்திற்கு சரியா இருப்பார் என்று சொல்லும் அளவிற்கு ஓவராக பேசுகிறார்.

லொள்ளு பண்ண நினைப்பவர்கள் 'லொள்ளு தர்பார்' நூலை படியுங்கள். லொள்ளு நூல் என்பதால் லொள்ளான பார்வை...

எனது கீதை

நடை பாதை

என் நாடு, என் மக்கள், உன் ரத்தம் !

லெனின் : முதல் காம்ரேட்

மோதிப் பார் ! : ஹியூகோ சாவேஸ்

கமான் அப்புசாமி கமான் !

ஒரு கல்கோனா / இரண்டு கமர்கட்டு :  யுகபாரதி.நில் நிதானி காதலி : யுகபாரதி பார்வையில்

அ.

அரைகிலோ கத்திரிக்காய், நூறு கிராம் துவரம் பருப்பு, இருநூறு கிராம் நல்லெண்ணெய், எட்டணாவுக்கு பச்சை மிளகாய், கொசுறாகக் கருவேப்பிலை, கொத்தமல்லித் தளை. இந்தப் பட்டியலோடு கடைக்குப் போய் பொருள் வாங்கி வந்ததுண்டு. எதற்காக இதை அம்மா வாங்கி வரச் சொன்னாள் என புத்தியால் யோசித்ததில்லை. யோசித்தாலும் சமைப்பதற்கென்று மட்டும் நினைக்கத் தோன்றும். அரைகிலோ கத்திரிக்காய்க்குப் பதிலாக ஒருகிலோவோ, நூறு கிராம் துவரம் பருப்புக்குப் பதிலாக ஐம்பது கிராமோ வாங்கத் தோன்றுவதில்லை. எனில் அம்மாவின் கட்டளையை அது மீறுவதாகும்.

காதல் கவிதைகளை வாசிப்பதிலும் எனக்கு இந்த மாதிரியான ஒரு அணுகுமுறை தான். எழுதியவனின் கட்டளையை மீறியோ, குறைத்தோ யோசிக்கத் தோன்றவில்லை. திருமணத்துக்குப் பிறகும் சேவியர் எழுதுகிற காதல் கவிதைகள் யாரைத் திருப்திப்படுத்துமோ ? எந்தெந்த அளவுக்கு எதை எதை சேர்க்க வேண்டுமென்கிற பக்குவம் தெரிந்த அம்மா போல எதற்கு எழுதுகிறார் என்பது அவருக்கே வெளிச்சம். எத்தனையோ கவிதைகள் எழுதிவிட்ட பிறகும் காதலின் தொடக்கம் கவிதையில் மையம் கொள்கிறது. தெற்கத்தி சமையலில் கடுகுபோல பொரியும் சத்தமே பிரதானம் இலக்கியப் பசிக்கு.

ஆ.

மூணு பேண்ட், எட்டுச் சட்டை, இரண்டு போர்வை, ஒர் பட்டுப்புடவை மொத்தம் சலவை செய்த துணிக்கு முப்பது ரூபாய். முன்பிருந்த பாக்கியை சேர்த்து அறுபத்தி ஏழு ரூபாய். துண்டு சீட்டில் எழுதி வருகிற சலவைக்காரரிடம் நான் அல்லது நாம் கேட்பதில்லை. ஒரே தொழிலைச் செய்வதில் அலுப்பு வரவில்லையா ? வந்தாலும் இதை அவன் செய்யவே வேண்டும் எனில் அது அவனது ஜீவனம். இல்லாவிட்டால் வாழ முடியாது. கவிதை எழுதாவிட்டால் செத்து விடுவோமோ சேவியர் ? எழுத முடியாமல் போனதற்காக தற்கொலை செய்ததுண்டா யாராவது ?

இ.

கடுமையான காய்ச்சல். குமட்டலெடுக்கிறது. தலைபாரம். தூக்கம் வரவில்லை. மருத்துவரிடம் எதற்காகப் புலம்புகிறோம் ? மருந்து உண்டு எனத் தெரிந்தும் உடம்பு சரியில்லை என்பதற்காக ஏன் ? எதற்காகத் துக்கப் படுகிறோம் ?காதலித்தவள் வராது போன துக்கம் மறு நாள் வருகையில் தீரும் தான். எனினும் எதற்காகக் குமைகிறோம் ?

தெரிந்தும் தெரியாமலும் நாம் வாழ்ந்து கொண்டிருக்கிறோம்
புரிந்தும் புரியாமலும் தவித்துக் கொண்டிருக்கிறோம்
வருந்தியும் வருந்தாமலும் இந்த வாழ்வை ரசித்துக் கொண்டிருக்கிறோம்.
வாழ்க்கை காதலைப் போல வாட்டம் கவிதையைப் போல.

ஈ

நிற்பதற்குள் நிதானமிழந்து விடுகிறது காலம். நினைப்பதற்குள் நெருங்கி வருகிறது மெளனம். மெளனமும் காலமும் இரட்டைக் குழந்தைகள். காதல் மெளனம், கவிதை காலம்.

காதலையும் நேரத்தையும்
வைத்து
நிறையக் கவிதைகள்.
எனக்கு
அதற்குக் கூட நேரமில்லை
உன்னைச் சந்தித்தபின்.

பரீட்சைக்குப் பணம் கட்டணும்பா, இன்றைக்குத் தான் கடைசி தேதி கட்டாட்டி பரீட்சை எழுத முடியாது. வாத்தியார் வீட்டுக்கு அனுப்பிச்சிருவார். வறுமை கல்வியைத் தின்கிறது. கல்வி பொறுமையிடம் வம்பு செய்கிறது. காலத்தால் மானப் பெரிது என்பது பரீட்சையின் போது எழுதுகோலுக்கு மை கொடுப்பது என்றார் என் வாத்தியார். மை அன்பு, எழுதுகோல் கவிதை. சேவியரிடம் இருக்கிறது காதலுக்கான கவிதைகள் நிரம்பி வழியும் நீரூற்று.

உ

காளிமார்க் சோடா, ஒரு எலிமிச்சை அல்லது கொஞ்சம் உப்பு, இஞ்சி டீ, வசதியிருப்பின் ஸ்பெஷல் டீ, ரோட்டுக்கடையில் ரெண்டு புரோட்டா கூடவே ஆம்லெட், மிளகு தூவிய ஆகப்பாயில் , உணவு செரிக்க ஒரு வாழைப்பழம் - எந்த நேரத்தில் எது பிடிக்கும் ? பரிமாறுபவரிடம் பட்டியல் கேட்டு அடுத்த நொடியே ஆணையிடுகிறோம். எல்லாவற்றிலும் பிடிப்பதல்ல இருப்பவற்றில் பிடித்த அணுகுதல் அது. போலவே தான் வாழ்க்கை. கிடைத்தது உண்டு, கிடைத்ததை நினைத்து, கிடைப்பதோடு கழிகிறது நாள். கவிதை அவ்விதமில்லை. நினைப்பதைக் கிடைக்கச் செய்வது, உண்பதை வரவழைப்பது, கழிப்பதற்காக உருவாக்குவது.
வலிமையில்லாமல் எதுவும் சாத்தியமில்லை பூமியில்; கவிதையைத் தவிர. சேவியரின் கவிதைகள் மென்மையை ஆடையாக, முகப் பூச்சாகக் கொண்டிருக்கின்றன. இந்த மென்மை எத்தகையது ? குழாய் நீரின் வேக சத்தத்திற்கும் பயந்து விடுகிற மென்மை. தமாதமானாலும் நிதானமாகச் செயல்படுகின்ற காதல்.

ஊ

இறுதியாக சேவியரின் கவிதைகள் படித்து நான் போடும் பட்டியல் . பத்து கிலோ சர்க்கரை, பதினாறு குடுவை தேன், முப்பது கிலோ கற்கண்டு, இருபத்தியாறு கிலோ நாட்டு வெல்லம், ஒரு கிலோ பாதாம் பருப்பு , நூற்றி எட்டு ரூபாய் முந்திரிக்காய், மேல் தூவ பதப்படுத்திய திராட்சை, வாசத்துக்கு ஏலக்காய். இத்தனை சேர்த்தும் தெவிட்டாதக் காரணம் அது காதலாயிருக்கிறது. காதலோடு இருக்கிறது. காதலை உடுத்தி, காதலைத் தேடி கண்ணாமூச்சி ஆடுகிறது. இவை எனக்குப் பிடிப்பதற்கு நிறையக் காரணமுண்டு.

சேவியரின் அன்புக்கு என்னைப் பிடிக்கிறது.
எதையும் காப்பாற்றுபவருக்குத் தான் சேவியர் என்று பெயர்
நிறைய பிரியமுடன்
யுகபாரதி

பின் குறிப்பு : நில், நிதானி, காதலி என்னும் எனது கவிதை நூலுக்காக யுகபாரதி எழுதிய முன்னுரை இது. சுவாரஸ்யமாக இருந்ததால் இங்கே பதிவு செய்கிறேன் ?

இந்த ஆண்டின் சிறப்பான தமிழாக்கம்? - http://www.nagorerumi.com/?p=47

கேண்டீட். வோல்ட்டேர். நாவல். ஆங்கிலம் வழி தமிழில்: பத்ரி சேஷாத்ரி. முதல் பதிப்பு ஆகஸ்ட் 2008. 160 பக்கங்கள். விலை ரூபாய் 100/-.

வோல்ட்டேர். ஆங்கில இலக்கியம் படிக்கும் காலத்தில் அடிக்கடி உச்சரிக்கப்பட்ட பெயர். ஃப்ரெஞ்சுப் புரட்சிக்கு வித்திட்டவர். சுதந்திரம், சமத்துவம், சகோதரத்துவம் என்ற கோஷத்தின் தந்தை என்றெல்லாம் சொல்வார்கள். எல்லாம் கேள்விப்பட்டதுதான். ஆனால் வோல்ட்டேரைப் படித்ததில்லை. ஒரு டிகிரி வாங்குவதற்காக ஆங்கில இலக்கியம் படிக்கும் காலத்தில்  உண்மையிலேயே ஆங்கில இலக்கியம் படித்தவர்கள்தான் யார்?! அதுவும் வோல்ட்டேர் ஃப்ரெஞ்சு இலக்கியவாதி. யார் படிப்பார்கள்? எனவே நான் படிக்காதது ஒன்றும் ஆச்சரியமில்லை. (படிக்கின்ற காலத்தில் படிப்பவர்களும் உண்டுதான். ஆனால் அவர்கள் விதிவிலக்குகள். நான் ‘மெயின் ஸ்ட்ரீம்’ மாணவன். தேசிய நீரோட்டத்தில் கலப்பதில்தான் எனக்கு விருப்பமிருந்தது. நானாக விரும்பி தேர்வுக்கு இல்லாத நாவல்களையும், நாடகங்களையும் படித்தது வேறு கதை).

சரி போகட்டும். இப்போது அதற்கு என்ன வந்தது என்கிறீர்களா? வந்துதான் விட்டது. நேற்று பத்ரி அவர் மொழிபெயர்த்த வோல்ட்டேரின் காண்டீட் நாவலைக் கொடுத்து படிக்கச் சொன்னார். வீட்டுக்கு வந்து படிக்க ஆரம்பித்தேன். ஒரே மூச்சில், ஒரே வீச்சில் படித்து முடித்து விட்டேன்!

ரொம்ப வருத்தமாக இருந்தது. வோல்ட்டேரை முன்னாலேயே படிக்காமல் இருந்துவிட்டேனே என்று.

நாவலில் கதை என்று பெரிசாக ஒன்றுமில்லை. இருக்க வேண்டும் என்ற அவசியமும் இல்லாமல் உள்ளது. கதை இங்கே முக்கியமில்லை. கதை சொல்லப்படும் விதமும், கதையின் ஊடாக சொல்லப்படும் விஷயங்களும்தான் அதி முக்கியமானவை. கிட்டத்தட்ட இரண்டு நூற்றாண்டுகளுக்கு முன்னதாக இது எழுதப்பட்டது என்பதை நம்பவே முடியவில்லை. தமிழில் எழுதுபவர்கள் கற்றுக் கொள்ள நிறைய, நிறைய இருக்கிறது இந்த நாவலில்.

கேண்டீட் என்ற ஒரு அப்பாவி ஒரு உயர் குடிப்பெண்ணைக் காதலித்து — இந்தக் காதல் விஷயத்தை முதன் முதலில் விவரிக்கும் விதமே அற்புதமாக உள்ளது — பின் நாட்டை விட்டு விரட்டப்பட்டு, ஊர் ஊராக, நாடு நாடாகச் சுற்றி அலைவதுதான் கதை. ஒவ்வொரு நாட்டிலும் என்ன நடக்கிறது? கேண்டீடின் மனதில் இருக்கும் அப்பாவித்தனத்தை கொஞ்சம் கொஞ்சமாக மாற்றும் விதத்தில் நிகழ்ச்சிகள் நடக்கின்றன.

மதத்தின் பெயரால், அதிகாரத்தின் பெயரால் நிகழ்த்தப்பட்ட கொடுமைகளையும் வன்முறையும் அக்கறையற்ற ஒரு தொனியில் இந்த நாவல் விவரிக்கிறது. குறிப்பாக ‘இன்க்விசிஷன்’ என்ற பெயரில் தன் நம்பிக்கைகளோடு ஒத்துப் போகாதவர்களை சித்திரவதைப் படுத்தியது, எரித்தது, தூக்கில் போட்டது போன்ற விஷயங்கள். சுருக்கமாகச் சொல்லப்போனால், இந்த நூலின் பின் அட்டையில் சொல்லி இருப்பது மாதிரி,  மனித நேயத்துக்கு எதிரான கொடுமைகள். வழிநெடுகிலும் கொடுமைகள். இந்தியா பாகிஸ்தான் பிரிவினையின்போது ரயில் பெட்டிகள் முழுவதிலும் பிணங்களாக இருந்தது போல.

ஆனால் இந்த எல்லாவற்றையுமே சொல்லிச் செல்லும் விதம்தான் வோல்ட்டேரின் சிறப்பாக இருக்கிறது. குழந்தைகளுக்குக் கதை சொல்லும் பாணி, அங்கதம், கேலி இவற்றோடு அசாத்திய எளிமை கலந்து இந்த நாவல் எழுதப்பட்டடுள்ளது. எனக்குத் தெரிந்து பெரிய விஷயத்தை மிக எளிமையாகக் கிண்டல் செய்து எழுதியவர் ஜார்ஜ் ஆர்வெல். அவருடைய Animal Farm என்ற நாவல் கம்யூனிசத்தின் மீது வைக்கப்பட்ட மிகக்கடுமையான விமர்சனம். ஆனால் ஒரு குழந்தைகூட விரும்பிப் படிக்கும் விதத்திலும், அதே சமயம் எடுத்துக் கொண்ட விஷயத்தின் கனத்திற்கு எந்தக் குந்தகமும் வந்துவிடாமலும் அந்த நாவல் எழுதப்பட்டிருக்கும். வோல்ட்டேரின் காண்டீன் படித்ததும் எனக்கு அதுதான் ஞாபகம் வந்தது.
எளிமையாகவும் கேலியாகவும் எழுதியுள்ளார் என்று சொன்னால் அது சரியல்ல. அங்கதச் சுவையின் தந்தை என்று வர்ணீக்கலாம். அப்படிப்பட்ட கிண்டல். வரிக்கு வரி, வார்த்தைக்கு வார்த்த்தை, வாக்கியத்துக்கு வாக்கியம். இப்படிக்கூட ஒருவரால் எழுத முடியுமா என்று எனக்கு ஆச்சரியமாகவும் பிரமிப்பாகவும் இருந்தது.

ஒவ்வொரு அத்தியாயம் தொடங்குமுன் ஓரிரு வாக்கியங்களில் அதன் சுருக்கம் சொல்லப்படும். பொதுவாக ஒரு கேள்வியுடன்.  உதாரணமாக, “ஓர் அற்புதமான கோட்டையில் வாழ்ந்து வந்த கேண்டீட், அங்கிருந்து துரத்தப்பட்டது எதனால்?” என்ற கேள்வியுடன் துவங்குகிறது முதல் அத்தியாயம். இப்படியே ஒவ்வொரு அத்தியாயத்துக்கும் ஒரு சுருக்கக் கேள்வி கொடுக்கப்படுகிறது. (மொத்தம் 30 அத்தியாயங்கள். அத்தியாயம் ஒவ்வொன்றும் பெரும்பாலும் இரண்டு மூன்று பக்கங்களுக்குள் முடிந்துவிடுமாறு அமைத்திருப்பது இன்னொரு சிறப்பு).

ஜமீந்தாரின் சகோதரிக்கும் ஒருவனுக்கும் ஏற்பட்ட கள்ளத் தொடர்பில் பிறந்தவன் கேண்டீட். ஆனாலும் அவனைத் திருமணம் செய்து கொள்ள அவள் மறுத்துவிடுகிறாள். ஏன் தெரியுமா?

அந்த ஆளின் பூர்வீகத்தில் 71 தலைமுறைக்கு மட்டுமே உயர்குடி ரத்தம் இருந்ததாலும், பிற பூர்வீகம் பற்றிய தகவல் காலத்தால் அழிந்துபோனதாலும், ஜமீந்தாரின் சகோதரி அவரை மணக்க மறுத்துவிட்டாராம் (பக்கம் 7).

ஜமீந்தார் குடும்பம் பற்றி:

ஜமீந்தார்…பகுதியிலேயே பெரிய மனிதர். ஏனெனில் அவரது கோட்டையில் கதவுடன் ஜன்னல்களும் இருந்தன..ஜமீந்தாரின் மனைவி 350 பவுண்டு எடை கொண்டவர். அதனால் கனம் பொருந்தியவர்.(8)

ஜமீந்தாரின் மகள் குனிகொண்டே ஒருநாள் அவர்களின் குலகுரு பாங்க்லாஸ் என்பவர் தன் அம்மாவின் வேலைக்காரியை ஒரு புதர் மறைவில் புணர்ந்து கொண்டிருப்பதைப் பார்க்கிறாள். அது எப்படி எழுதப்படுகிறது தெரியுமா?

குனி கொண்டே ஒருநாள் கோட்டைக்கு அருகிலிருந்த காட்டில் நடந்து வந்தபோது, பக்கத்தில் புதர் மறைவில், தனது தாயின் மிக அழகான, மிகச்சாதுவான வேலைக்காரி ஒருத்திக்கு, டாக்டர் பாங்க்லாஸ் இயற்கைத் தத்துவத்தில் பாடம் நடத்திக் கொண்டிருப்பதைக் கவனித்தாள். குனிகொண்டேவுக்கு அறிவியலில் நாட்டம் இருந்ததால், மீண்டும் மீண்டும் தொடரும் அந்தப் பரிசோதனைகளைச் சத்தம் எழுப்பாமல் பார்த்தாள். டாக்டர் பாங்க்லாஸின் காரணங்கள், விளைவுகள், காரியங்கள் ஆகியவற்றின் பின்னணியில் இருந்த தாக்கத்தைப் புரிந்து கொண்டாள்…தனக்கு கேண்டீடும், அவனுக்குத் தானும் சரியான காரணமாக இருக்கக் கூடும் என்று எண்ணினாள். (பக் 9).

அதன்பிறகு கேண்டீடும் குனிகொண்டேயும் காதலில் இணவதை ஜமீந்தார் பார்த்துவிடுகிறார். “காரணத்தையும் காரியத்தையும் நன்கு புரிந்துகொண்டு, கேண்டீடின் புட்டத்தில் நான்கு உதை கொடுத்து அவனைக் கோட்டையிலிருந்து துரத்தினார்” (பக் 1). இனிமேல் காரண காரியம் என்ற வார்த்தையைக் கேட்டாலோ பார்த்தாலோ சிரிப்புதான் வரும்.

தப்பித்துச் சென்ற கேண்டீட் பசி மிகுதியால் ஒருவனிடம் உணவு பிச்சை கேட்கிறான்.  அப்போது நடக்கும் உரையாடல்.

நண்பனே, போப், ஒரு சாத்தான் என்பதை நீ நம்புகிறாயா?

அப்படி நான் கேள்விப்பட்டதில்லை. அவர் அப்படி இருந்தால் என்ன, இல்லாவிட்டால் என்ன? எனக்குத் தேவை உணவு என்றான் கேண்டீட்.

நீ சாப்பிடுவதற்கே லாயக்கற்றவன். ஓடிப்போ பொறுக்கியே என்றார் அவர் (பக் 17).

குறிப்பிட்ட கொள்கைகளையும் கோட்பாடுகளையும் திணிப்பதற்கு பசியைக்கூட அவர்கள் பயன்படுத்தி இருக்கிறார்கள் என்ற விமர்சனத்தை இதைவிட சிறப்பாகச் சொல்லமுடியுமா என்ன?

தன் காதலி மூலமாக பால்வினை நோயைப் பெற்றுக்கொண்ட பாங்க்லாஸ் அதைப்பற்றி கேண்டீடுக்கு விளக்குகிறார். கிட்டத்தட்ட ஒரு பாரா முழுக்க, யார் யாரிடமிருந்து யார் யார் பெற்றார்கள், அதை மற்றவர்களுக்கு எப்படிப் பரப்பினார்கள் என்று பட்டியல் கொடுக்கிறார்!  ஜமீந்தாரின் வேலைக்காரியிடமிருந்து அவருக்கு, ஒரு பாதிரியாரிடமிருந்து அவளுக்கு, பாதிரியாருக்கு ஒரு கிழட்டு ஜமீந்தாரினியிடமிருந்து, அவளுக்கு ஒரு ராணுவ கேப்டனிடமிருந்து, அவனுக்கு இன்னுமொரு ஜமீந்தாரினியிடமிருந்து, அவளுக்கு ஒரு வேலைக்காரனிடமிருந்து, அவனுக்கு ஒரு ஜெசுயிட் பாதிரியிடமிருந்து (!) — இப்படிச் செல்கிறது பட்டியல்.அதுபற்றி கேண்டீடின் அப்பாவித்தனமான கருத்து:

ஓ பாங்க்லாஸ், இந்த நோய்க்குத்தான் என்னதொரு கண்ணியமான பரம்பரை! (பக். 21). ஒழுக்கம் கெட்ட சமுதாயத்தின் மீதான சாடல்தான் எவ்வளவு எள்ளலும் துள்ளலுமாக உள்ளது!

எல்டொராடோ என்ற இலட்சிய ஊரின் விவரணை:

அவர்கள் ஒரு சாதாரண வீட்டை அடைந்தனர். அதன் கதவு வெறும் வெள்ளியால் செய்யப்பட்டிருந்தது. கூரை வெறும் தங்கத்தால் மட்டுமே செய்யப்பட்டிருந்தது. ஆனால் மிகவும் அழகான வேலைப்பாடுடன், பணக்கார வீடுகளுக்கு இணையாக இருந்தது. (பக்.80).

“என்ன, இங்கே பாடம் நடத்த, சண்டை போட, ஆள, சூழ்ச்சி செய்ய, ஒத்த கருத்தில்லாதவர்களை எரிக்க பாதிரியார்களே இல்லையா? (பக். 83)

ஹோமரின் இலியட் பற்றிய விமர்சனம் ஓரிடத்தில் வருகிறது. பண்டைய இலக்கியங்களை எவ்வளவு அறிவுப்பூர்வமாக வோல்ட்டேர்  அணுகியிருக்கிறார் என்பதை அது காட்டுகிறது:

ஒன்றைப்போலவே இன்னொன்றும் இருக்குமாறு திரும்பத் திரும்ப வரும் சண்டைகள், எதையும் தெளிவாகச் செய்யாமல், ஆனால் எப்போதும் எதையாவது செய்து கொண்டிருக்கும் கடவுள்கள், சண்டைக்குக் காரணமாக இருக்கும் ஹெலன் எங்குமே காட்சிக்குள் வராமல் இருப்பது, வெகுகாலமாக முற்றுகை இடப்பட்டிருந்தாலும் கைப்பற்றப்படாமல் இருக்கும் ட்ராய் நகரம் — இவையெல்லாம் சேர்த்து எனக்கு கடுமையான அலுப்பைத் தந்தன (பக். 131.)

மறுக்க முடியாத கேள்விகள்.

பத்ரியின் தமிழாக்கம்

தமிழாக்கம் ரொம்ப யோசித்து அக்கறையுடன் செய்யப்பட்டிருக்கிறது. உதாரணமாக இன்க்விசிஷன் என்பதை மதமிரட்டல் கட்டப்பஞ்சாயத்து (27) என்பதையும் காட்மதர் என்பதை ப் (காட்மதர்) என்பதையும் குறிப்பிடலாம். ஒரு இடத்தில் போடாங்கோத்தா (26) என்று வருகிறது. ஆங்கிலத்தில் என்ன வார்த்தை ப்யன்படுத்தப்பட்டிருந்தாலும் சரி, இந்த இடத்தில் அப்படிச் சொல்வதுதான் சரி. உணர்ச்சிகளைப் புரிந்து கொண்டு செய்யப்பட்ட தமிழாக்கமாக இருப்பது இதன் சிறப்பு என்று சொல்வேன். நண்பர் பத்ரிக்கு என் மனமார்ந்த வாழ்த்துக்கள்.

எனினும் சில கேள்விகள் இருக்கத்தான் செய்கின்றன. பாப்ட்டிஸம் செய்யாத என்பதை ‘ஞானஸ்நானம் செய்யாத’ என்று போட்டிருக்கலாம். வன் புணர்ந்தபின் என்று ஒரு இடத்தில் அல்லது சில இடங்களில் வருகிறது. இப்படி வினைச் சொல்லாக ஒரு பயன்பாடு இருக்கிறதா என்று எனக்குத் தெரியவில்லை. வன் புணர்ச்சி செய்தபின் என்று நானாக இருந்தால் தமிழாக்கம் செய்திருப்பேன். ஒரே ஒரு இடத்தில் ஹம்மிங் பேர்ட் என்று வருகிறது. அதையும் ஹம்மிங் பறவை என்று மாற்றலாம். (தப்பித்து வந்துவிட்டது என்று நினைக்கிறேன்).

ஒரு இடத்தில் அவருக்கு சிறிய வயதானபோது (பக் 21) என்று வருகிறது. இது எப்படி சாத்தியம்? ‘பெரிய வயதானபோது’ என்றால் சரி, எப்படி ஒருவருக்கு சிறிய வயதாகும்? ‘அவருடைய சிறிய வயதில்’, அல்லது ‘அவர் சிறியவராக இருந்தபோது’, இப்படி ஏதாவது இருந்திருக்கலாம். ஆங்கில மூலத்தை நான் ஒப்பிட்டுப் பார்க்கவில்லை. எனினும் இதுபற்றி பத்ரி விளக்கம் சொல்லலாம். போப் அர்பன் 10-க்கும். (பக் 45) என்பது பத்தாவது போப் அர்பனுக்கும் என்று இருந்திருக்கலாம்.

நல்ல மொழிபெயர்ப்பின் ஒரு அம்சம் என்னவெனில், சில வார்த்தைகளை மொழிபெயர்க்காமல் விட்டுவிடுவதுதான். ஆமாம். அதையும் தமிழ்ப்படுத்தியே தீருவேன் என்று கங்கணம் கட்டிக்கொண்டு செய்வது தமிழைப் படுத்துவதாகிவிடும். அந்தத் தப்பை இதில் பத்ரி செய்யவே இல்லை. ஜெசுயிட், லீக் போன்ற சொற்களை அப்படியே அவர் பயன்படுத்தியிருப்பதுதான் சரி,  அவைகளைத் தமிழாக்கம் செய்ய எண்ணினால் அது அபத்தமாகிவிடலாம்.

மிகச் சிறப்பாக உள்ளது. எந்த இடத்திலும் நெருடல் இல்லை. நீரோட்டமாகவே செல்கிறது. அன்று கூட்டத்தில் பேசிய சாரு நிவேதிதா தமிழில் மொழிபெயர்ப்புகள் திருப்திகரமாக இல்லை என்று குறைபட்டுக் கொண்டார். (அப்போது பத்ரி என்னைப் பார்த்து புன்னகைத்தார். அது எனக்குக் கிடைத்த விருது). அவருக்குக் கொடுக்கப்பட்ட நினைவுப் பரிசில் இந்த நூலிம் இருந்தது என்று நினைக்கிறேன். இதைப் படித்த பிறகு அவர் தன் கருத்தை மாற்றிக் கொள்ளலாம்.

பிரெஞ்சு இலக்கியத்திலேயே மிக அதிகமாக கல்லூரிப் பாடமாக வைக்கப்பட்டிருக்கும் புத்தகம் இதுதான் என்கிறது முன்னுரை. வைக்க வேண்டிய புத்தம்தான்.

நாகூர் ரூமி

http://parisalkaaran.blogspot.com/2008/09/blog-post_20.html?showComment=1221887280000#c1482313142316061259
    //ஃபெவிகாலின் எல்லா விளம்பரங்களும் எனக்கு மிகப் பிடிக்கும். //
O & M நிறுவனத்தின் சீப் கிரியேட்டிவ் டைரக்டர் ப்யூஸ் பாண்டே உருவாக்கியவை அவை. பெரும் புகழ்பெற்ற ஹட்ச் விளம்பரங்களும் இதே நிறுவனத்தின் கைவணனம் தான்.
    //வித்தியாசமான விளம்பரங்களின் (மேலே இருப்பது போல) தொகுப்பு புத்தகம் பற்றிய தகவல்களை லக்கிலுக் போன்ற அத்துறையில் இருப்பவர்கள் தந்தால் மகிழ்வேன்! (கஷ்டப்பட்டு, காசு சேர்த்து வாங்கத்தான்..!)//

   தமிழில் விளம்பரத்துறை குறித்து அறிய போதுமான புத்தகங்கள் இல்லை. இத்துறை எப்படி செயல்படுகிறது என்பதை தெரிந்துகொள்ள கூட ஆங்கிலத்தை தான் நாடவேண்டும். ஆங்கில புத்தகங்களில் நம்ம ஊரு நேட்டிவிட்டி இருக்காது.
    எனக்கு தெரிந்து ரமேஷ்பிரபா இரண்டு புத்தகங்கள் எழுதியிருக்கிறார். ஜூ.வியில் தொடராக வந்தவை அவை இரண்டும்.

    1) எப்படி ஜெயித்தார்கள்?
    2) விளம்பர உலகம்

    இந்த இரண்டு புத்தகங்களையுமே அவர் கல்கத்தா ஐஐஎம்மில் மாணவராக இருந்தபோது எழுதினார் என்று நினைக்கிறேன். சொல்லிக்கொள்ளும்படி சூப்பராக எல்லாம் இருக்காது :-( இப்போது எழுதினால் கலக்கலாக எழுதுவார். குங்குமம் லாஞ்சிங் கேம்பைனுக்கு அவர் எழுதிய ‘புதுசு கண்ணா புதுசு' தமிழின் மிக முக்கியமான விளம்பரத் தொடர்.

    விளம்பரத்துறை பற்றி அறிய David Ogily எழுதிய Ogilvy on Advertising வாசிப்பது அவசியம். Copywriters manual என்ற இன்னொரு புத்தகம் அற்புதமானது. ஆங்கிலத்தில் நிறைய புத்தகங்கள் இதுபோல உண்டு. நான் குறைந்தபட்சம் 30 புத்தகங்களை(எல்லாமே பெரிய சைஸ் புத்தகங்கள்) டிக்‌ஷனரி துணையோடு வாசித்திருக்கிறேன்.

http://parisalkaaran.blogspot.com/2008/09/blog-post_20.html?showComment=1221887820000#c6302253876634634034
    ராமானுஜம் ஸ்ரீதர் எழுதியிருக்கும் One land One billion minds புத்தகம் Branding குறித்தான அற்புதமான புத்தகம். எளிமையான ஆங்கிலத்தில் நகைச்சுவையாக எழுதப்பட்டிருக்கும். இதை வாசிக்க நமக்கு டிக்‌ஷனரி தேவைப்படாது.

    ஆனால் விளம்பரம் குறித்த போதுமான அறிவு பற்றாதவர்கள் இந்த புத்தகத்தை வாசித்தால் மண்டை காயும் :-)

    நீங்கள் சென்னை வரும்போது Ogilvy on advertising மற்றும் One land One billion minds இரண்டும் தருகிறேன். வாசித்துவிட்டு மறக்காமல் திருப்பி தாருங்கள்.

    Advertising குறித்த புத்தகங்களுக்கு நீங்கள் செலவு செய்ய ஆரம்பித்தால் உங்களுக்கு ஏதாவது சொத்து, பத்து இருந்தால் அதை விற்றுத்தான் செலவழிக்க வேண்டும்.

    நான் நண்பர்களிடம் இரவல் வாங்கி தான் பல புத்தகங்கள் வாசித்தேன்.

வடகரை வேலன் said... http://parisalkaaran.blogspot.com/2008/09/blog-post_20.html?showComment=1221904440000#c1437143368241883156
லக்கி,

அலிக் பதம்ஸீ இந்திய விளம்பரத்துறையில் ஒரு மறக்க முடியாத ஆளுமை.

அவரது double life புத்தகம் படித்திருக்கிறீர்களா? அவர் கிரியேட் செய்த பிராண்டுகள்( லலிதாஜி, சன்லைட், சர்ஃப், லிரில், காமசூத்ரா) பற்றி விளக்கமாக எழுதியிருப்பார்.

அவரை ஒரு எக்ஸெண்ட்ரிக் என்பார்கள். எனக்கு உடன்பாடு இல்லை கலைஞன் என்பவன் கட்டுபாட்டுக்குள் அடங்காதவனே. அவரை ஒரு ரிபெல் என்று வேண்டுமானால் சொல்லலாம்.

Saturday, September 13, 2008

The pasha of pulp

With his all-polyester clothes, huge half-tinted glasses, and a rising plume of hair, Rajesh Kumar, a short man approaching 60, looks like he wishes the 1980s had never ended—and not just for its rad fashions.

In that decade, an extended purple patch for Tamil pulp fiction, Kumar held a full-time job and still wrote five novels a month, selling more than 100,000 copies of each. “Somebody called it the Rajesh Kumar Yugam — the Era of Rajesh Kumar,” he explains, with the matter-of-factness of a man who is arguably the most prolific novelist in the world.

The Era of Rajesh Kumar began with a casual college prank. In 1968, when he was studying for his degree in botany, Kumar’s class was asked for fiction contributions for their college magazine. “I had never written a thing in my life, and I didn’t plan to,” he says. “But the boy next to me shouted out and volunteered my name. At the time, I could have murdered him.”

The short story that he submitted reluctantly the next day was the first of more than 2,000 he would go on to write, in addition to more than 1,500 novels. Kumar is, one of his fellow authors says, “the superstar of the Tamil pulp fiction industry”.

In the present age, as original novels begin to dry up and authors direct their talents to the lucrative field of screenplay writing for television and cinema, Kumar is also at the head of a pack of writers that stays faithful to its lurid craft.

The classic Tamil pulp novel runs between 100 pages and 150 pages and is printed on cheap paper as a monthly magazine. In 1987, a novel cost Rs. 2; it now costs around Rs. 25, still a price that can call out to browsers at the corner teashop, retirees, homemakers, train passengers and other devoted readers.

The flavours of this genre are uniformly sensational but otherwise eclectic. They can include the science-fiction thrillers — more fiction than science — of Kumar, the romances of Ramani Chandran, the detective knockabouts of Pattukottai Prabhakar and Suba, the religious tales of Indira Soundara Rajan and the social dramas of Pushpa Thangadorai.

“But many authors have, of late, shifted to writing for films and television,” Kumar says. “Not me, though. I’m allergic to cinema, and I don’t want to move to Chennai. Plus, I find these movie producers highly immoral people.”

His allergies have worked well for his readers, who can still amble down to the teashop or bus station every few weeks to find a new Kumar novel. For those treading water financially, a teashop will even act as an informal lending library, charging Rs. 2 to take a book home for a day or two.

It is heartening that people who cannot afford a Rs. 15 novel are still willing to put down Rs. 2 to read, and Kumar takes no little pride in that fact. “It was us writers who made sure that there were books hanging from shop ceilings instead of shampoo sachets,” he says. We led people to read, he preens — and he more than others, considering his staggering output.

Even in the Rajesh Kumar Yugam, other authors were less staggeringly productive but did just as well. Ramani Chandran, a homemaker, wrote 125 novels in 30 years. “But I type with two fingers, you know,” she says, and even those two fingers are beset by carpal tunnel syndrome. “If I’d been able to type faster, I might have published a novel a month.”

Suresh and Balakrishnan, the two authors writing jointly under the pen name Suba, held full-time bank jobs until 1999, wrote their novels every day till 1am, and sold 70,000-100,000 copies of each of their 40-odd novels per year. “It was all possible — we just had to cut down on our quota of sleep,” Balakrishnan says.

But even as they bemoan losing many readers to television megaserials, Suresh and Balakrishnan have themselves migrated to the promised land of screenplay writing. “Film directors approached us even earlier, but we didn’t want to begin until we’d retired from our banks, simply for stability’s sake,” Suresh says. “Now, we don’t have the time to write fresh stories. We manage maybe six or seven novels a year.”

As authors such as Suba have moved on, they have left huge shoes that are yet to be filled. “It’s very sad that no new writers have come into this field,” Suresh says. “Either they’re not enthusiastic, or they’re lazy — they don’t want to work hard, but they want to see their names on the teashop racks immediately.”

The solution to this sudden drought, on the part of the 10-12 serious pulp publishers who are still in the game, has been to issue reprints of old novels. S. P. Ramu, who publishes Suba and Ramani Chandran under the Super Novels imprint, understands his authors’ dilemma, even if it’s depriving him of fresh fiction.

“It’s human nature — people go where the pay is better,” Ramu says. An author can retain copyright of his work and still earn up to Rs. 30,000 per monthly novel; a marquee author such as Kumar makes even more, although his publisher, G. Asokan, won’t reveal exactly how much that is. “It was four figures back then. It’s five figures now,” is all he’ll say. But it’s still small change in the face of a screenplay pay cheque for a few lakhs.

“You know, even today, when we print new novels, the sales are good — 60,000 or so. It shows there’s still a hunger for that kind of literature,” Ramu says. The reprints sell only 10,000-20,000 copies each. “It’s a profitable business, but there needs to be a revolution in style, in content, in presentation. Otherwise, it’ll just keep getting duller.”

Kumar’s pace of writing, too, has slowed, but only by his steroidal standards. Even today, in a spartan room on the terrace of his large house, he writes 10-12 pages of a new story every day, in perfectly lettered Tamil longhand. “At this pace, I do a novel a month, and some short stories and some serialized stories.”

Every Kumar tale passes through an in-house censor: His wife. “I give her all but the last six pages or so, and ask her to guess the ending,” he says, smiling. “If she gets it wrong, it means the story is a success. Sometimes she even reminds me if I’ve used a particular strategy or plot twist before.”

By his own admission, Kumar’s writing has changed over the years. “Earlier, there would be all sorts of description. The sun rose, the wind blew, that sort of thing,” he says. “Now, nobody has patience for that kind of thing. So I jump right into the action.”

Next to his writing room is the unofficial Rajesh Kumar archive — a little storeroom exploding with his published novels. Books sit in teetering piles on the floor, or cram themselves into shelves. To pick one out, Kumar has to wade gingerly into the room to avoid stepping on books; it’s as if he were walking through a minefield.

A few years ago, when his publisher threw him a party to mark the publication of his 1,000th novel (“Many actors came — T. Rajendar, and also Vijayakanth!”), Kumar began to wonder if he was setting any sort of precedent.

Through a fellow Coimbatore resident — a gentleman whose bid for the world record in walking backwards ended abruptly at 7km — he applied to the Guinness World Records to be recognized as the world’s most prolific novelist. “They’ve responded that my books aren’t strictly as long as the novels in the West, but that they could be considered short novels, or novellas,” the novelist says. “We’re still discussing that point, but they are certainly interested.”

Kumar dismisses any talk of an imminent decline of the genre. “People still read, don’t they? As long as they travel by buses and trains, they will buy these books to read,” he says. Then, after mentioning that he’d once met a university vice-chancellor who avidly read his books, he launches into what is obviously a favourite, much-told anecdote.

“Back when we built this house, this part of Coimbatore was still deserted, cut off from the city,” Kumar says. Today, a well-maintained white Zen sits on his equally well-maintained driveway. But in 1989, when he was still working a full-time job as a sales executive, he drove to his office every day on a scooter.

One day, on a particularly lonely stretch of road, his scooter broke down, and the only help at hand was a boy, around 14 years old, driving a herd of goats ahead of him. “The boy told me there were some mechanics further down the road, and he offered to watch my scooter for me while I went to fetch them.”

As Kumar set off, he happened to look back once over his shoulder. “Out of his shirt pocket, the boy had pulled out a slim book,” he says. “And he sat down by the side of the road and began to read.”

Even from a distance, Kumar recognized the book. It was a Rajesh Kumar novel.

Published in Mint, September 7, 2008

(Categories: Books and Literature)

கிழவனும் கடலும் - நூல் விமர்சனம்

" If you want to Direct, you got to write, " என்று  Francil Ford Cuppola  என்ற இயக்குநர் George Lucas என்ற (பின்னாளில் புகழ்பெற்ற இயக்குநராக வந்த) திரைப்படக் கல்லூரி மாணவரிடம் கூறினார். , " If you want to write, you got to read" என்று நான் எனது மாணவர்களுக்குச் சொல்லி வருகிறேன். இக்கால இளைஞர்களுக்குப் படிக்கும் பழக்கம் குறைவாக இருப்பது எனக்கு மிகுந்த வருத்தத்தை அளிக்கும் விஷயம். ஆயினும், நான் என்னவெல்லாம் படித்தேன் என்பதை நிரூபிக்கும் ஆதாரங்கள் என்னிடம் குறைவாகவே உள்ளன என்பதுவும், எனக்குத் தலை குனிவுதான். என்னுடைய பழைய டைரிகளின் முதல்பக்கம் முழுதும் எழுதப்பட்டதாயும், இரண்டாம் பக்கம் பாதியளவும், மூன்றாம் பக்கம் ஒரு வரியும், மற்றப் பக்கங்கள் வெறுமையுடனும் காட்சியளிப்பதைக் காணும்போது, அந்தக் கால கட்டத்தில் படித்த புத்தகங்கள் பற்றி, சிறு குறிப்பாவது, எழுதாமல் போய் விட்டோமே என்று என் மீதே கோபமாய் வருகிறது. மறதி என்னை வாட்டும் நேரங்களில் இந்தக் கோபம் சுய நிந்தனையைத் தூண்டுகிறது.

"மறந்து போனது, மறக்கப்பட வேண்டியது தானோ என்னவோ?" என்று சுந்தர ராமசாமி ஒரு முறை கூறியதாக" அக்கிரகாரத்தில் பெரியார்" என்ற தலைப்பில் வந்துள்ள புத்தகத்தின் பி.ஏ. கிருஷ்ணன் எழுதியிருந்தார். கிரிக்கெட்டில் இந்தியா தோற்றுப் போனதும், 'சரிதான்' என்று 'சேனலை' மாற்றி வடிவேலு காமெடியில் 'செட்டில்' ஆகிவிடக்கூடிய மனோநிலை இருந்தால்தான் அது சாத்தியம் என்று தோன்றுகிறது. மறதி தரும் துக்கம் எனக்கு நிழலைப் போல. அதிலும், படித்த புத்தகங்கள், பார்த்த சினிமாக்கள் மற்றும் அவற்றின் படைப்பாளிகள் குறித்து ஏற்படும் மறதி என்பது சாயங்காலத்து நிழல் மாதிரி.

எனவே, இப்போது ஞாபகம் இருக்கும் போதே முதலில், மேலே குறிப்பிட்ட "அக்கிரகாரத்தில் பெரியார்" என்ற புத்தகத்தைப் பற்றி எழுதி விடுகிறேன். இந்தப் புத்தகதின் தலைப்பு, இதில் அடங்கியுள்ள பல கட்டுரைகளில், ஒன்றின் தலைப்பு. எதனால் இந்தத் தலைப்பை வைத்தார் என்று தெரியவில்லை. என்னைப் பொறுத்தவரை, இத்தலைப்பு சற்று (Mis-leading) திசை திருப்பும் தலைப்பாக இருக்கிறது.

இந்தப் புத்தகத்தின், 'நிச்சயமான வாசகர்கள், ஒரு வேளை இந்தப் புத்தகத்தை வாங்காமல் போய்விடலாமோ என்ற கவலை ஏற்படுகிறது. "வேண்டாதது என்று எதுவும் இல்லை" (படிப்பதைப் பொறுத்தவரை) என்கிற எனது குணாதிசயம்தான் நான் இப்புத்தகத்தை வாங்கக் காரணமாக இருந்தது.

உள்ளபடியே, தலைப்புக் கட்டுரையை விடச் சிறந்த கட்டுரைகள் பல இருக்கின்றன. குறிப்பாகத், "தமிழும் அறிவியலும்" என்ற கட்டுரை, " இந்த விஷயம் குறித்து, இன்னும் நிறையப் படிக்க வேண்டும். என்ற சிந்தனையை ஏற்படுத்துகிறது.

மேலே, சுந்தர ராமசாமியைப் பற்றி குறிப்பிடும் போதே நினைவிற்கு வந்தவை. அவருடைய "ஒரு புளிய மரத்தின் கதை மற்றும் ஜே.ஜே. சில குறிப்புகள் "ஒரு புளிய மரத்தின் கனவு", கதை சொல்லும் வடிவத்தினை, (story telling format) ஒரு பாவனையாகக் கொண்டு, உண்மையில் வாழ்க்கை, மனிதர்கள் மற்றும் காலம் ஆகிய இரண்டிலும், பின்னப்படுபவை ஓர் அற்புத அனுபவமாகத் தரும் படைப்பு. ஆனால், 'ஜே.ஜே. சில குறிப்புகள்",   Expressive Cinema   என்று நான் குறிப்பிடுவதற்கு ஈடான  Expressive writing   எழுத்தை ஓர் உணர்வு வெளிப்பாட்டுச் சாதனமாகப் பயன்படுத்த முடியும் என்பதற்கான சாட்சிகளில் இதுவே மிகவும் பிரமாண்டமானது. இதற்கு முற்றிலும் மாறுபட்ட காலங்களில் இருந்தாலும், என்று நான் கருதும் இன்னும் இரண்டு படைப்புகள், எம்.வி.வெங்கட்ராம் எழுதிய 'காதுகள்', ஜெயகாந்தன் எழுதிய 'ஒரு மனிதன், ஒரு வீடு, ஒரு உலகம்' சாதாரண மனிதனின் பாலியல் விழைவை, தனக்கு சாதகமாகப் பயன்படுத்திக் கொள்ளும் எழுத்தாளர் பற்றி "ஜே.ஜே." வில் ஓரிடத்தில் வரும். இதே பாலியல் விழைவு, ஒரு வித ஆத்ம விசாரம் போல், எம்.வி.வெங்கட்ராமின் "காதுகள்" குறிப்பிடும். 

ஆனால், பெண்ணின் பாலியல் விழைவு குறித்து 'கிருத்திகா' எழுதியுள்ள 'வாசவேச்வரம்' ஓர் ஆச்சரியமான படைப்பு. இந்நாவல் 1966-ல் எழுதப்பட்டது என்பது, இந்த ஆச்சரியத்தை அதிகப்படுத்தும் விஷயம். இந்தப் புத்தகங்களை நீங்கள் படிக்க வேண்டும் என்று உளமாற விரும்புகிறேன். அதற்கு, நீங்கள் தொடர்பு கொள்ள வேண்டிய :  

பழைய எண் 216, திருவல்லிக்கேணி நெடுஞ்சாலை,
சென்னை 600 005.
தொலைபேசி: 91-44-28481662, 91-44-42155972.
மின்னஞ்சல்: kalachuvadu@gmail.com

பெண்ணின் பாலியல் விழைவு குறித்து எழுதியவர்களில் முக்கியமான இன்னொருவர் உஷா சுப்பிரமணியன். பிரச்சார கூப்பாடு எதுவும் இல்லாமல் அதே சமயம் ஒரு நேர்மையாளனின் மனதில் மிகுந்த தாக்கத்தை உண்டாக்கிய இவரது சிறுகதைகளில் ஆவலுடன் எதிர்பார்க்கிறேன் என்னும் சிறுகதையில் ஒரு ஆண் கீழ்க்கண்டவாறு ஒரு விளம்பரம் கொடுக்கிறான்.

ஐம்பத்தெட்டு வயதான, இளமையும் துடிப்பும் வாழ்வை அனுபவிக்கும் ஆசையும் உள்ள மனிதருக்குப் பயணத்தின் போது கம்பெனி கொடுக்க ஒரு பெண் தேவை

இந்த விளம்பரத்திற்கு வரும் பதில்களில் இருந்து தேர்ந்தெடுக்கும் பெண் கீழ்க்கண்டவாறு எழுதுகிறாள்.

ஒரு துடிப்புள்ள, ஆர்வமுள்ள மன இளமை பொங்கும், ரசனைமிக்க, பெண்ணின் தோழமையை நீங்கள் வரவேற்றால், என்னுடன் தொடர்பு கொள்ளலாம். முப்பது ஆண்டுகளாக ஒரு நடுத்தர வர்க்கக் குடும்பத்தின் ரசனையற்ற வாழ்வில் அலுத்துவிட்ட எனக்கு இந்த வாய்ப்பு வரப்பிரசாதமாக இருக்கும்.

மேற்படி விளம்பரத்தை கொடுத்த ஆண் தேர்ந்தெடுத்த மேற்படி பதிலை எழுதிய பெண், அவனுடைய மனைவிதான் என்று கோடிட்டு காட்டி விட்டு , கதையை முடித்து விடுகிறார் உஷா சுப்பிரமணியன்.ஆண் குற்ற உணர்வு ஏதும் இன்றி செய்யும் காரியங்களை பெண்ணும் செய்தால் அது சமூகத்தில் பெருத்த அதிர்ச்சியை ஏற்படுத்துகின்றது. இந்த நேர்மையற்ற போக்கை எந்த ஆண்மகனால் எந்த விதத்தில் நியாயப்படுத்த முடியுபம்?

உஷா சுப்பிரமணியன் கதைகள் என்னும் இந்த சிறுகதை தொகுதியை படிக்க நீங்கள் தொடர்பு கொள்ள வேண்டிய முகவரி;

ராஜராஜன் பதிப்பகம்,
         19 கண்ணதாசன் சாலை,
         தியாகராய நகர்,
         சென்னை-600017

Labels: புதிய புத்தகம்